ISSN 0131-4645
ՀՀ ԳԱԱ ԻԱՊԻ-ի աշխատությունների “Կիբեռնետիկայի և հաշվողական տեխնիկայի մաթեմատիկական հարցեր” ժողովածուն տպագրվում է 1963 թվականից: Ժողովածուում հրատարակվում են տեսական կիբեռնետիկային, նրա հետ առնչություն ունեցող մաթեմատիկական այլ բնագավառներին և հաշվողական տեխնիկային վերաբերող աշխատություններ, որոնք պարունակում են նոր, չհրատարակված արդյունքներ:
 |
Վերոնշյալ ոլորտներն իրենց մեջ ներառում են հետևյալ ուղղությունները.
- Ալգորիթմներ, ավտոմատներ, տրամաբանություն
- Դիսկրետ մաթեմատիկա և կոմբինատորիկա
- Ինֆորմացիայի տեսություն և վիճակագրություն
- Կոդավորման տեսություն
- Արհեստական բանականություն և կառավարմանն աջակցող համակարգեր
- Կերպարների ճանաչում և պատկերների մշակում
- Նախագծում և տեստավորում
- Հեռահաղորդակցություն և ցանցեր
- Ինֆորմացիոն տեխնոլոգիաներ և կիրառություններ
|
Ժողովածուն նախատեսված է ՀՀ ԳԱԱ ԻԱՊԻ աշխատակիցների կողմից իրականացվող գիտական հետազոտությունների, ինչպես նաև հանրապետության այլ գիտակրթական հաստատությունների ուսանողների, մագիստրանտների, ասպիրանտների, գիտաշխատողների, դասախոսների` վերոգրյալ ոլորտներին վերաբերող հետազոտությունների արդյունքների տպագրման համար: Հրատարակման ներկայացվող հոդվածները գրախոսվում են:
Ժողովածուն հրատարակվում է տարեկան երկու անգամ: Հոդվածների ընդունման վերջնաժամկետները տվյալ տարվա փետրվարի 28-ը և սեպտեմբերի 1-ն են: Հնարավոր է ժողովածուի լրացուցիչ պրակների հրատարակումը, երբ ԻԱՊԻ-ում կազմակերպում են գիտական միջոցառումներ:
